Ezagutu Erandio

Erandiori buruz

Bilboko Itsasadarraren eskuinaldean kokatuta dago Erandio, Montecabras (116 m) eta Sanpablomendi (225 m) mendiek Bilboko udalerritik bereizten dutela eta Udondo itsasadarrak Leioarekiko muga jartzen diola. Altuerarik handiena Iparraldean izanik ere, 260 metrotik gora ez duten menditxoz inguraturiko lautada, Asua eta Udondo itsasadar diren erreka txiki biak eta Bilboko Ibai bazterrera urak eramandako hondakinak bilduz jaso den Altzaga edo Desierto izenez ezagutzen den ingurunea dira geografikoki Udalerria osatzen dutenak. Bestalde, aipatutako itsasadarrak eta euren adarrak diren Lertutza, Ibarra, Urgitxi, Erandiondo eta Lauro dira Udalerria zeharkatzen duten errekak.

Mugak

Iparraldetik Urduliz, Laukiz eta Berango; hegoaldetik Bilbo; ekialdetik Loiu eta Sondika; mendebaldetik Leioa, Getxo eta Bilboko Itsasadarra.

Osaketa

Udalerriaren barruan 7 entitate historiko dugu. Altzaga (10.764 biztanle), Astrabudua (10.509 bizt.), Erandiogoikoa (1.301 bizt.), Goierri (572 bizt.), Arriaga (559 bizt.), Lutxana-Enekuri (532 bizt.) eta Asua (353 bizt.). Datu hauek 2012ko abenduaren 31koak dira.



Kokapena



Kale-izendegia



Estatistikak



Toponimia

Nola iritsi

Bilbo eta Getxotik 8 kilometrora dago Erandio. Alde batetik, bi hiri handi horien artean egoteak ekarri du herria ondo komunikatuta egotea eta, beste alde batetik, herriak izandako industria garapen handiak ere izan du eraginik komunikazio sare horretan. Getxo eta Bilbo lotzen dituzten Avanzada eta Ibaiko errepideek zeharkatzen dute herria. Arrontegi zubiaren bidez, Avanzada errepideak Ezkerraldearekin lotzen du Erandio. Lutxana eta Avanzadako bideak Asuraino doaz. Bertatik ateratzen dira Enekuritik doan Bilborako errepidea, Unbetik Plentziara doan errepidea eta Erletxerako errepidea ere. Gainontzeko auzo eta alde desberdinetara, bigarren mailako errepide eta bideetatik ailegatzen gara.

Hainbat autobus konpainiarekin ailega gaitezke Erandioko herriraino. Gainera, ibilgailu pilaketa ekidin eta garraiobide azkarragoa izateko Bilboko Metroa ere eskura daukagu.